AMIGAS DA TERRA
Somos unha asociación ecoloxista que ten como misión o fomento do cambio local e global cara a unha sociedade máis respectuosa co medio ambiente, xusta e solidaria.
A NOSA ANDAINA
A andaina de Amigas da Terra comeza en 1997, pola iniciativa de Xulio López en Ourense. A filosofía de traballo comeza xirando en torno a dous eixes de actuación: a denuncia das problemáticas ambientais e a proposta de alternativas para construír unha sociedade máis respectuosa co medio ambiente, xusta e solidaria.
Con todo, a historia de Amigas da Terra comezou a escribirse en 1971, cando varios grupos ecoloxistas de Francia, Gran Bretaña e Suecia crearon a federación Amigos de la Tierra Internacional.
A historia de Amigas da Terra implica unión e apoio, pero tamén unha forte independencia para cada un dos grupos que conforman a federación.
ASÍ SOMOS.
POR QUE LOITAMOS.
Protexer o medio ambiente, entendido no máis amplo senso.
Promover alternativas baseadas no desenvolvemento sostible.
Mellorar a calidade de vida das comunidades humanas en tódalas súas facetas.
Promover a educación integral a todos os niveis: coñecementos e actitudes construtivas cara ao medio ambiente, educación ambiental e defensa da xustiza social.
A defensa e o desenvolvemento dun medio rural vivo.
Información, asesoramento e outros servizos en materia ambiental, tanto individual como para colectivos.
A cooperación e solidariedade internacional no marco da conservación do medio ambiente.
PARTE DUNHA REDE MUNDIAL.
Xunto con outras organizacións análogas e homónimas, está integrada en Amigos de la Tierra, unha ONG clásica no estado español, con grupos locais presentes en vinte e unha provincias. Forma parte á súa vez de Friends of the Earth International, nada nos Estados Unidos, Gran Bretaña e Suecia en 1971. No ámbito europeo existe Friends of the Earth Europe.
Aínda que pareza unha estrutura xerárquica, permite total independencia de acción dos grupos de cada nivel, sendo estes órganos de coordinación e representación.
Amigas da Terra
Galiza · Ourense e Vigo
Amigos de la Tierra
21 provincias · membro de FoEI desde 1979
FoE International
57 países · 5 continentes
DECIDIMOS XUNTAS.
O máximo órgano de goberno reside na Asemblea Xeral, que se reúne como mínimo unha vez ao ano. Nela examínanse os balances económico e de actividades, debátense as propostas para o seguinte exercicio e elíxense os cargos da Xunta directiva.
Na asemblea poden participar todas as persoas asociadas con voz e voto. Entre asemblea e asemblea, o órgano decisorio é a Xunta directiva, que se reúne unha vez ao mes.
DE OURENSE A NICARAGUA.
Ourense · Vigo
Sede central en Ourense e oficina en Vigo.
Ourense · Pontevedra · A Coruña
Traballo a nivel autonómico con grupos nas tres provincias.
Honduras · Nicaragua
Proxectos de cooperación internacional.