PRECEDENTES E HISTORIA
Se retomamos dende aquí o nacemento do movemento ecoloxista tal e como o entendemos, situariámolo nos anos 70.
DOS ANOS 50 AOS 90.
Existen precedentes nos anos 50 de asociacións “conservacionistas”, adicadas á protección da flora e fauna, que eran consideradas “elitistas”. Foi o movemento pacifista antinuclear o que impulsou o nacemento de diversos grupos ecoloxistas ó norte de Europa. Nos Estados Unidos o Serra Clube destacou por impulsar este movemento.
O denominado Informe Meadows de 1972, redactado polo Clube de Roma, formado por economistas progresistas internacionais, foi un importante chamamento acerca dos problemas que o mundo desenvolto ocasiona ó medio ambiente.
Durante os anos 70 nacen os grupos ecoloxistas Greenpeace e Amigos da Terra. Na época dos 80, a percepción sobre os grupos ecoloxistas foise tomando máis en serio: as redes do ecoloxismo espalláronse por todo o mundo e os grupos foron recoñecidos como interlocutores válidos. Será nos anos 90 cando xurdan áreas profesionais nas administracións e empresas que amosan as súas interpretacións sobre como coidar o medio ambiente, non sempre en consonancia coas valoracións dos ecoloxistas.
A SITUACIÓN ACTUAL
Como os colectivos ecoloxistas eran os únicos que falaban do medio ambiente, a explotación dos países pobres ou o despilfarro de enerxía, moitas empresas e administracións consultábanlles para obter as súas valoracións. Hoxe moitas empresas e consultorías ambientais “compiten” con estes grupos, e as súas valoracións restrínxense a miúdo a aspectos técnicos, sen cuestionar o sistema de desenvolvemento — que no fondo é a “loita” dos colectivos ecoloxistas.
O sistema económico internacional, baseado no consumismo, e os propios gobernos están controlados polas multinacionais. O impacto da globalización fai moi difícil atallar a problemática ambiental, sobre todo a nivel local.
É complicado chegar ós millóns de consumidores bombardeados a cotío con publicidade e enganos. Os ecoloxistas temos moi poucos medios económicos para contrarrestar este impacto.
— Eslogan de Amigas da Terra. Hoxe sabemos que tamén hai que actuar globalmente.
O movemento ecoloxista ten que mundializarse para combater os impactos negativos da globalización. Debido a que son as corporacións transnacionais as que toman as decisións sobre o reparto dos recursos, moitos gobernos perden o control dos seus a nivel nacional. O movemento ecoloxista actuará a nivel local e nacional, pero tamén internacional: é necesario influír nas decisións políticas internacionais e ofrecer apoio ós cidadáns a través de actuacións locais.
HISTORIA DE AMIGAS DA TERRA
A andaina de Amigas da Terra en Galiza comeza no 1997, pola iniciativa de Xulio López en Ourense. O traballo constante na elaboración de proxectos reais que implicaran á cidadanía fixo que a asociación fora medrando, con persoal contratado e voluntariado local e europeo, baixo dous eixes principais de actuación:
REIVINDICACIÓN E ACTIVISMO
Denuncias contra canteiras, vertedoiros incontrolados, talas de árbores, vertidos, minicentrais e parques eólicos.
SENSIBILIZACIÓN E EDUCACIÓN
Charlas, obradoiros, exposicións, cursos, festival polo medio ambiente, premios bandeira verde e material educativo para a xuventude.
Entendemos o medio ambiente de xeito xeral, e desde sempre vimos colaborando con diferentes asociacións sociais e culturais como AECC, Cruz Vermella, ATOX, Centro Trama, Proxecto Home, ONCE, Aixiña, AAVV de Veciños, asociacións de consumidores ou a Casa da Xuventude.
A NOSA HISTORIA.
Nacemento en Ourense
Pola iniciativa de Xulio López comeza a andaina de Amigas da Terra en Galiza.
Chegas de bois e antenas
Denuncias contra as chegas de bois en Muíños e o depósito de reses mortas no caso Sugasa. Modelo de ordenanza municipal para antenas de telefonía móbil.
Informe dos matadoiros
Informe ambiental sobre os matadoiros da provincia de Ourense e a xestión dos seus vertidos.
Prestige · Nunca Máis
Coordinación do envío de voluntariado desde Ourense para a limpeza das praias e recuperación de aves en Cotorredondo.
Monte galego
Membros do Comité pola Defensa do Monte Galego: actuacións contra os incendios e alegacións en Montederramo (LIC Rede Natura).
Renovación
Nova equipa coordinadora e novo proxecto de fomento e implicación na defensa do medio ambiente a nivel persoal, local e global.